Einelti er samfélagslegt og menningarlegt mein og er ofbeldi sem ætti ekki að þrífast neins staðar. Brynja og Hafdís fara yfir í þessari þáttaröð hvað einelti er og hver helstu einkenni eineltis. Svo hvað er til ráða þegar við verðum vitni að einelti?
Maturity Level : all
Elva Ágústsdóttir, sálfræðingur, fjallar um sjálfsmynd, sjálfstraust, sjálfsmat og hvernig við getum styrkt okkur sem einstaklingar. Hún fjallar um það hvernig við getum tekist á við ótta og prófað nýja hluti með því að stíga út fyrir þægindarammann.
Velkomin í Hraustleikana, þar sem þið keppið við ykkur sjálf í hreysti og heilbrigði! Hvað er hollur matur? Hversu lengi á maður að sofa? Hvað á maður að hreyfa sig mikið? Páll Steinar, sjúkraþjálfari, svarar þessum spurningum og mörgu öðru í Hraustleikunum, þáttaröð um heilsu og heilbrigt líferni.
Vissir þú að þú ert áhrifavaldur? Um leið og þú komst í heiminn hafðir þú áhrif á umhverfið þitt. Í þessari þáttaröð fer Hjalti Halldórsson yfir mismunandi hlutverk okkar í samfélaginu og hvernig fjölskyldan og samfélagið mótar okkur.
Frá því að hún var tveggja ára gömul vissi Jazz að hún væri stelpa þó að allir héldu að hún væri strákur. En þetta er saga Jazz sem byggir á upplifun hennar. Hún segir frá á einfaldan og skýran hátt sem höfðar vel til barna, foreldra og kennara.
Í þessum þáttum fjallar andlegi einkaþjálfarinn Rakel um andlega heilsu. Hún fjallar um öndun, núvitund, hugleiðslu og gefur góð ráð um það hvernig hægt sé að huga að andlegu heilsunni.